AZƏRBAYCAN VƏTƏNDAŞLARI ERMƏNİSTANA KEÇƏRKƏN TUTULDULAR

serhed-tehluke

25 nəfər Qəbələ sakini düşmən tərəfə keçmək istədi, Ağdamda tutuldu

“Özümüzü erməni gülləsinin qarşısına verib canımızı Nəbiyevlərin zülmündən xilas etmək istəyirdik”

Qəbələnin Kötüklü kənd sakinləri fevralın 27-nə keçən gecə Ağdama gələrək, Ermənistan tərəfə keçməyə çalışıblar. 25 nəfər Qəbələ sakini əllərində ağ bayraqla gəlsələr də, istəklərinə çata bilməyiblər. Onlar Ağdamda polis işçiləri tərəfindən mühasirəyə alınıblar. Bu barədə Meydan TV-yə hadisə iştirakçısı, hazırda Ağdamda olan Qəbələ sakini Ramin İsmayılov məlumat verib.

O bildirib ki, etirazlarının səbəbi Nəbiyevlər ailəsinin Qəbələdə onlara qarşı etdiyi haqsızlıqdır: “Nəbiyevlər uşaqlarımızı şərləyib tuturlar. “Azərişıq”-ın Bakı üzrə nümayəndəsi Qara Nəbiyev, vergilər nazirinin müşaviri Müsavər Nəbiyev, Kötüklü kəndinin  icra nümayəndəsi İkram Nəbiyev Qəbələ rayonunu ələ alıblar. Onlar bizi yaşamağa qoymurlar. Kiminsə evinə, maşınına narkotik atıb tutdururlar. Bundan bezib Ermənistan tərəfə keçmək istədik. Özümüzü erməni gülləsinin qarşısına verib canımızı Nəbiyevlərin zülmündən xilas etmək istəyirdik”.
Ermənistan tərəfə keçmək istəyən 25 nəfər olmaqla 8 ailə Ağdam polis şöbəsindədir. Ailələr Prezident Administrasiyasından bir nəfər nümayəndənin gəlib onların şikayətləri ilə maraqlanmasını istəyirlər.

Ağdam rayon polis şöbəsindən Meydan TV-yə hadisənin baş verdiyini təsdiq etdilər. Polis işçisi İsmayılov bildirib ki, ailələr polis şöbəsindədirlər. Məsələ ilə bağlı araşdırma aparılır.

***

26.02.2016

108 nəfər əlində ağ bayraq İrana keçməyə hazırlaşır

Onlar Qəbələ Rayon Məhkəməsinin ədalətsizliyinə görə vətəndaşlıqdan imtina edəcəklərini bildirirlər

Qəbələ rayonunda 108 nəfər Azərbaycan vətəndaşı ölkədən imtina edərək İrana keçmək istəyir. Səbəb isə Qəbələ Rayon Məhkəməsinin ədalətsiz hökmüdür. Rayon sakini Akif İsmayılov “Azadlıq”a bildirib ki, oğlu Sərxan İsmayıllı kiçik miqyaslı davanın şahidi olub. Lakin istintaq onu təqsirləndirilən şəxs qismində işə cəlb edib: “Hara yazdıq nəticəsi olmadı. Oğlumu təqsirləndirilən şəxs qismində işə cəlb etdilər. Qəbələ Rayon Məhkəməsi də onu 1 il azadlıqdan məhrum etdi. Digər şəxsə isə 1 il 6 ay “iş” verdilər. Halbuki həmin şəxsə maksimum 15 sutka düşürdü. Çünki elə də böyük dava olmayıb. İki gənc bir-birlərilə süpürləşiblər”.

Akif İsmayılov bildirib ki, məsələ ilə bağlı daxili işlər naziri Ramil Usubovun qəbulunda olub: “Təsəvvür edin, nazir məni dinləyəndən sonra orada olan bir generala dedi ki, məgər orada böyük dava, bıçaqlaşma olub ki, cinayət işi başlamasız. 15 sutkalarını verin getsin. Lakin yenə də nəticəsi olmadı”.

Akif İsmayılov əlavə edib ki, onun və digər həbs olunan şəxslərin yaxınları, ümumilikdə 108 nəfər Azərbaycan vətəndaşılığından imtina etmək istəyirlər: “Başqa yolumuz yoxdur. Biz belə ədalətsizliyə dözə bilmirik. Əlimizə ağ bayraq götürüb İrana keçmək istəyirik”.
Mövzunu diqqətdə saxlayacağıq.

~ tərəfindən Patriot 29/02/2016.

Rica olunur şərh yazarkən təhqirə yol verməyin

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

 
%d bloqqer bunu bəyənir: