FRANSA SƏFİRİ BAKININ ANTİ-QƏRB KAMPANİYASINA SƏRT REAKSİYA VERDİ

Gabriel Keller

“Almaniyalı həmkarıma qarşı məkrli təbliğat məndə ikrah hissi doğurur”

Fransanın Azərbaycandakı səfiri Qabriel Keller “Turan” agentliyinə müsahibə verib. Səfir müsahibəsində Azərbaycan rəsmilərinin Qərb diplomatlarını İctiami Palata üzvləri ilə görüşdüklərinə görə ittiham etməsi, ümumiyyətlə Qərbi ölkənin daxili işlərinə qarışmaqda, hakimiyyətə təzyiq göstərməkdə suçlaması kimi məsələlərə də toxunub.

Bununla bağlı suala cavabında səfir deyib ki, özündən və dəyərlərindən əmin olan bir ölkə tənqiddən qorxmamalı, onu gizli məqsədlərin olması ilə izah etməyə çalışmamalıdır: “Tənqidi qəbul edə bilmək möhkəmliyin və özünə inamın  göstəricisidir. Şübhəsiz, kimsə Azərbaycana nə etməli olduğunu diqtə edə bilməz, lakin onun üzv olduğu və qarşısında öhdəlik götürdüyü təşkilatlar onun bu öhdəliklərə riayəti barədə qiymətləndirmələr aparmaq ixtiyarındadırlar. Xarici diplomatlarla müxalifətin görüşlərinə olan bəzi rəsmi reaksiyalar məni şoka salır. Demokratiyalarda belə görüşlər adi və tamamilə normal haldır. Azərbaycan diplomatları fəaliyyət göstərdikləri demokratik ölkələrdə müxalifətlə görüşən zaman destabilizasiya cəhdləri ilə ittiham olunmurlar. Bununla əlaqədar, almaniyalı həmkarıma qarşı başlanmış bu məkrli təbliğat məndə ikrah hissi doğurur və mən ona öz dəstəyimi bildirirəm”.

“Sizcə,  ikitərəfli münasibətlərdə ən mühüm nədir: neft və qaz, yoxsa daha nə isə” sualına cavabında səfir ikitərəfli münasibətləri canlı orqanizmə bənzədib: “Balanslı şəkildə mövcud olmaq üçün  müxtəlif orqanların olması vacibdir. İerarxiya qurmağa çalışmaq bir orqanizmdə ürəyin yoxsa beyinin daha əhəmiyyətli olduğunu soruşmağa bənzəyir. Karbohidrogenlər Azərbaycanla Avropa Birliyi arasında birinci plana malik əhəmiyyət daşıyır, eyni əhəmiyyət institusional əməkdaşlığa, insanlar və cəmiyyətlər arasında olan münasibətlərə, hüquqi dövlətə riayət edilməsinə də şamil edilir”.

Qabriel Keller “Ərəb baharı”nın Azərbaycanda baş verməsinin mümkünlüyünə dair sualı da cavablandırıb. Səfir qeyd edib ki, bu barədə Azərbaycan vətəndaşları özləri qərar verməlidirlər: “Azərbaycan vətəndaşları özləri üçün, gələcəkləri üçün, gələcək nəsillər üçün və ölkələri üçün arzu etdiklərinə uyğun tədbirlər barədə özləri qərar verməlidirlər. Ətraf ölkələrdə baş verən hadisələrin onlara təsir etməsini və ya onları ilhamlandırmasını onlar özləri deməlidirlər. Fransa və beynəlxalq ictimaiyyət bu prosesdə onları yalnız müşayət edə, azadlıq və demokratiya dəyərlərini müdafiə edə bilərlər”.

~ tərəfindən Patriot 02/05/2012.

Rica olunur şərh yazarkən təhqirə yol verməyin

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma